Gunnar Magnús Jónsson
„Virkilega grátlegt og svekkjandi að tapa þessum leik. Úr því sem komið var hefði maður sætt sig við stigið. Það er alltaf súrt að fá á sig mark en það er extra súrt svona í blálokin. Mér fannst þær ekki líklegar til þess að fara að skora í rauninni.“
Sagði auðsjáanlega svekktur þjálfari Keflavíkur Gunnar Magnús Jónsson eftir 2-1 tap Keflavíkur gegn Þrótti í Keflavík í kvöld þar sem sigur mark Þróttar kom í lok venjulegs leiktíma.
Sagði auðsjáanlega svekktur þjálfari Keflavíkur Gunnar Magnús Jónsson eftir 2-1 tap Keflavíkur gegn Þrótti í Keflavík í kvöld þar sem sigur mark Þróttar kom í lok venjulegs leiktíma.
Lestu um leikinn: Keflavík 1 - 2 Þróttur R.
Hvorugt lið átti sinn besta leik á vellinum í kvöld og voru mistök beggja liða mörg. Bæði mörk Þróttar má til að mynda skrifa á slæm einstaklingsmistök í öftustum línu Keflavíkur.
„Við gefum þeim þessi mörk algjörlega þannig að þetta var ekki eitthvað sem þær voru að búa til og skapa sem er bara ennþá súrara. En leikmenn gera mistök og það er hluti af þessu en við viljum að sjálfsögðu fækka þeim.“
Keflavík er þegar þriðjungi mótsins er lokið eða sex leikjum í sjöunda sæti deildarinnar með sjö stig. Er Gunnar sáttur með stigasöfnunina það sem af er móti?
„Já og nei. Vissulega hefði maður viljað hafa stigin fleiri en við sættum okkur við þetta. Við eigum eftir að byggja ofan á okkar leik og mér finnst við eiga töluvert inni og þá sérstaklega sóknarlega. Við höfum verið að verjast nokkuð vel og verið erfitt að brjóta okkur á bak aftur.“
Sagði Gunnar en allt viðtalið má sjá hér að ofan.
Athugasemdir
