Brasilíski miðvörðurinn Fabrício Bruno er eftirsóttur af ýmsum félögum í Evrópu en West Ham er sagt leiða kapphlaupið.
Hamrarnir eru í viðræðum við Flamengo um að kaupa þennan 28 ára gamla miðvörð sem hefur spilað í brasilíska boltanum allan ferilinn og á tvo landsleiki að baki.
Bruno er fastamaður í byrjunarliði Flamengo en hann hefur áður spilað fyrir Cruzeiro, Chapecoense og Red Bull Bragantino.
Hamrarnir eru í bráðri nauðsyn að styrkja miðvarðarstöðuna sína og hafa áhuga á nokkrum leikmönnum.
Talið er að Bruno geti kostað um 12 milljónir punda en Nottingham Forest, Atalanta og Wolves eru meðal félaga sem hafa verið orðuð við hann.
Athugasemdir