Rak-Sakyi fékk aðeins að spreyta sig í 8 leikjum með Palace á síðustu leiktíð en var fjarverandi í fimm mánuði vegna meiðsla.

Leikmaðurinn er mjög spenntur fyrir því að skipta yfir til Southampton en það gæti reynst erfitt fyrir félagið að ná samkomulagi við Crystal Palace um kaupverð.

Southampton vill fá Rak-Sakyi á lánssamningi með kaupmöguleika og er í viðræðum við Palace um upphæð kaupmöguleikans.

Rak-Sakyi er gríðarlega eftirsóttur af félögum í Championship deildinni eftir að hann átti frábært tímabil á láni hjá Charlton Athletic fyrir tveimur árum.

Leikmaðurinn vill fara til Southampton til að öðlast reynslu í ensku úrvalsdeildinni, en hann á þrjú ár eftir af samningi sínum við Palace.