Gylfi var meðal áhorfenda á leik Vals og Víkings í Bestu deildinni á dögunum.
Gylfi Þór Sigurðsson flaug frá Íslandi til Kaupmannahafnar í dag, samkvæmt heimildum Fótbolta.net. Hann virðist vera að færast nær því að ganga í raðir Íslendingaliðsins Lyngby.
Freyr Alexandersson staðfesti við bold.dk á dögunum að viðræður væru í gangi milli Gylfa og Lyngby og að hann teldi helmingslíkur á að leikmaðurinn kæmi til danska úrvalsdeildarliðsins.
Freyr Alexandersson staðfesti við bold.dk á dögunum að viðræður væru í gangi milli Gylfa og Lyngby og að hann teldi helmingslíkur á að leikmaðurinn kæmi til danska úrvalsdeildarliðsins.
Gylfi, sem er 33 ára miðjumaður, hefur ekkert spilað síðan hann var sakaður um kynferðisbrot og var undir rannsókn hjá lögreglunni í Bretlandi. Hann mætti á æfingar hjá Val fyrr í sumar.
Þrír íslenskir leikmenn spila fyrir aðallið Lyngby; Sævar Atli Magnússon, Kolbeinn Birgir Finnsson og svo Andri Lucas Guðjohnsen sem kom til félagsins nýlega.
Íslendingunum gæti fjölgað enn frekar hjá Lyngby en Orri Rafn Sigurðarson, fyrrum fréttamaður Fótbolta.net, segir á X-inu (áður Twitter) að félagið hafi áhuga á að fá unglingalandsliðsmanninn Eggert Aron Guðmundsson, leikmann Stjörnunnar. Félög í Noregi og Svíþjóð hafa einnig augastað á þessum spennandi leikmanni.
Eggert Aron Guðmundsson.
Athugasemdir
