Ási, sem er fæddur árið 1995, er uppalinn í Keflavík og á einn leik að baki í bikar fyrir liðið en hann hefur leikið síðustu þrjú tímabil með Víði í 2. deildinni.

Hann hefur einnig spilað með Sindra og Gróttu í 2. deildinni en hefur nú ákveðið að taka slaginn með Reyni S. fyrir komandi tímabil.

Ási er varnarmaður en getur einnig spilað á miðju.

Reynismenn hafa verið að styrkja sig síðustu vikur en Fufura samdi við liðið í febrúar.

Reynismenn höfnuðu í fimmta sæti 3. deildar á síðustu leiktíð en ljóst er að liðið ætlar sér stærri hluti í sumar.

„Stjórn ksd. Reynis fagnar liðsaukanum, býður Ása velkominn í félagið og hlakkar til að sjá hann klæðast Reynistreyjunni í sumar," segir í tilkynningu frá knattspyrnudeild félagsins.