Belgíski framherjinn Romelu Lukaku mun líklega ekki snúa aftur til Chelsea á næsta ári, en Sun hefur heimildir fyrir því að Inter getur haldið honum á láni í ár til viðbótar.
Chelsea keypti Lukaku frá Inter á síðasta ári fyrir 97 milljónir punda en eftir arfaslakt tímabil á Englandi var hann lánaður aftur til ítalska félagsins.
Inter greiðir um 10 milljónir punda fyrir lánsdvölina og gerir Thomas Tuchel, stjóri Chelsea, ekki ráð fyrir honum á næsta tímabili ef marka má frétt Sun.
Chelsea ætlar ekki að taka aftur við honum á næsta ári og er góður möguleiki á því að hann verði annað ár hjá Inter á láni.
Lukaku skoraði einungis 8 deildarmörk á síðasta tímabili fyrir Chelsea sem hafnaði í 3. sæti deildarinnar.
Athugasemdir