Todd Boehly eigandi Chelsea gaf gott viðtal við Bloomberg í gær þar sem hann ræddi stöðu mála hjá félaginu.
Boehly og eigendur Chelsea eru sáttir með þróun mála og afar bjartsýnir á framtíðina.
„Ef þú skoðar hvað er raunverulega í gangi hjá Chelsea þá muntu sjá að þetta byggist allt á miklum stöðugleika," sagði Boehly.
„Ég tel okkur vera að gera góða hluti og ég er viss um að Chelsea mun taka sinn sess meðal toppliða deildarinnar. Ég meina við erum í topp fjórum í ensku úrvalsdeildinni eins og staðan er í dag."
Chelsea er með 49 stig eftir 29 umferðir, í fjórða sæti ensku úrvalsdeildarinnar þrátt fyrir þrjá tapleiki í síðustu fimm.
Boehly og félagar keyptu Chelsea fyrir tæplega þremur árum síðan og hafa dælt peningum í félagið. Þeir eru aðallega búnir að kaupa ungar vonarstjörnur fyrir framtíðina og er stór hluti stuðningshóps Chelsea þreyttur á slöku gengi liðsins.
Chelsea hefur verið með sex mismunandi þjálfara við stjórnvölinn á þessum þremur árum og eytt urmul fjárs án þess að sjá mikinn árangur innan vallar.
Liðið hefur leikið stóran hluta tímabilsins án framherja vegna meiðsla Nicolas Jackson, þrátt fyrir að hafa eytt ótrúlegum upphæðum í leikmannakaup.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 30 | 15 | 6 | 9 | 40 | 37 | +3 | 51 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Everton | 31 | 13 | 7 | 11 | 37 | 35 | +2 | 46 |
| 8 | Brentford | 30 | 13 | 6 | 11 | 46 | 42 | +4 | 45 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Newcastle | 30 | 12 | 6 | 12 | 43 | 43 | 0 | 42 |
| 12 | Bournemouth | 31 | 9 | 15 | 7 | 46 | 48 | -2 | 42 |
| 13 | Sunderland | 30 | 10 | 10 | 10 | 30 | 35 | -5 | 40 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 30 | 7 | 11 | 12 | 37 | 48 | -11 | 32 |
| 16 | Tottenham | 30 | 7 | 9 | 14 | 40 | 47 | -7 | 30 |
| 17 | Nott. Forest | 30 | 7 | 8 | 15 | 28 | 43 | -15 | 29 |
| 18 | West Ham | 30 | 7 | 8 | 15 | 36 | 55 | -19 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
