McKenna kom Ipswich upp í úrvalsdeildina á dögunum en þetta var annað árið í röð sem hann kemur liðinu upp um deild.

Stjórinn er einn heitasti bitinn á markaðnum en Chelsea, Brighton og Manchester United vilja öll fá hann.

Eigandi félagsins, Ed Schwartz, vill alls ekki missa McKenna og hoppaði strax upp í flugvél og til Englands til að ræða við Mark Ashton, framkvæmdastjóra félagsins, og McKenna.

Schwartz ætlar að bjóða McKenna nýjan samning og mun gera allt til að sannfæra hann um að vera áfram.

Á næsta tímabili mun Ipswich spila í úrvalsdeildinni í fyrsta sinn í 22 ár.