Fótbolti.net

Rúnar Páll: Við hefðum getað skorað fleiri mörk

Fékk rautt í hálfleik: Mér fannst ég ekki vera of aggressívur

Jói Kalli tekur ábyrgð: Eitt að tapa leik en annað á þennan hátt

Nenad eftir sigur á KA: Auðvitað okkar besti leikur

Haddi ósáttur: Nenntum ekki að leggja okkur fram

Heimir Guðjóns maður leiksins: Það er geggjaður matur þannig ég hlakka til

„Er með Þórshjarta þannig það er gaman að vinna KA"

Viktor ósáttur á bekknum: Fór í hálfgert blackout

Damir svekktur: Vorum tíu sekúndum frá þessu

Lárusi Orra létt: Okkur var heldur betur refsað í dag

Axel Óskar: Við erum miklu stærra lið samt

Nauðsynlegur sigur fyrir framtíð Jökuls? - „Ég er raunverulega ekki að pæla í því“

„Hann er uppalinn strákur sem hefur lagt mikið á sig til þess að ná langt"

Jóhann Árni: Tilfinningar brutust út

Davíð Smári pirraður: Vorum einhvern veginn ekki tilbúnir í fightið

Óskar Hrafn vanur því að detta úr bikar: Lífið heldur áfram

Gunnar Heiðar spenntur: Þetta er nýi núllpunkturinn

Aron Baldvin: Vissum að við myndum fá bestu útgáfuna af þeim

Ólafur Ingi: Lokuðum búðinni eftir rauða spjaldið

„Af því enginn þekkir nafnið þá veljið þið hann ekki mann leiksins”

þri 25. júní 2024 20:40

Sverrir Örn Einarsson

Guðrún Jóna: Erfitt þegar þú ert með lítinn hóp

Guðrún Jóna Kristjánsdóttir

Mynd: Fótbolti.net - Hafliði Breiðfjörð

„Við byrjuðum leikinn ekki alveg nógu vel í fyrri hálfleik og færslurnar voru ekki nógu góðar hjá okkur til að byrja með. Vorum aðeins að spila annað leikkerfi og það tók okkur smá tíma að komast inn í það. En í seinni hálfleik þegar við náðum tökum á því og náðum að loka á þá fengum við okkar sóknir líka og mér fannst við eiga skilið að skora hérna í seinni hálfleik.“
Sagði Guðrún Jóna Kristjánsdóttir aðstoðarþjálfari Keflavíkur um leikinn eftir 0-2 tap Keflavíkur á heimavelli gegn Breiðablik fyrr í kvöld.

Lestu um leikinn: Keflavík 0 - 2 Breiðablik

Keflavíkurliðið var líkt og Guðrún Jóna segir lengi að ná fótfestu í leiknum og var skrefinu á eftir ef ekki tveimur á vellinum í fyrri hálfleik. Til marks um það var ekki ein aukaspyrna dæmd á liðið í fyrri hálfleik. Nokkuð sem að breyttist þó hratt er út í fyrri hálfleikinn var komið. Var það rætt í hálfleik að auka ákafann í leik liðsins?

„Ákafann í öllu, öllum færslum og þegar þær koma inn á svæðin að vera ákveðnar í því sem við erum að gera. Þannig að það var eitthvað sem við vildum gera betur í seinni hálfleik og við gerðum.“

Mikið er um forföll í liði Keflavíkur í leikmannahópi sem ekki telst breiður á góðum degi. Hvernig er fyrir þjálfarana að púsla saman liði eins og sakir standa hjá Keflavík?

„Auðvitað er það erfitt þegar þú ert með lítinn hóp en leikmenn hafa komið gríðarlega vel inn. Þetta er mikið af Keflavíkurstelpum sem eru að spila hérna, ungar stelpur sem eru að stíga gríðarlega mikivægt skref á sínum ferli að spila hérna leiki. Þær eru að koma mjög vel inn í þetta og mér finnst þeir leikmenn sem komið hafa inn staðið sig gríðarlega vel.“

Framundan hjá Keflavík eru mikilvægir leikir gegn liðunum í næsta nágrenni í töflunni. Heimsókn á Samsungvöllinn til Stjörnunar áður en að lið Fylkis kemur í heimsókn í Keflavík. Leikir sem Keflavíkurliðið horfir í að geta unnið og endað þá taphrinu sem liðið er í þessa daganna.

„Við þurfum að halda áfram og halda trú. Við þurfum að gefa allt í þessa leiki. Við höfum fulla trú á því að við séum að fara út úr þessari hrinu og erum strax byrjaðar að hugsa um næsta leik og stefnum á þrjú stig þar eins og í hverjum einasta leik.

Sagði Guðrún Jóna en allt viðtalið má sjá hér að ofan