Núna segir þýski fréttamaðurinn Florian Plettenberg frá því að Tuchel sé spenntur fyrir því að taka við Manchester United.

Erik ten Hag er núverandi stjóri United en ef það starf losnar, þá hefur Tuchel mikinn áhuga á því.

Tuchel þykir starfið hjá Man Utd heillandi og hann sér fyrir sér að taka það að sér einn daginn. Hann stýrði áður Chelsea en er á því að tíma sínum í ensku úrvalsdeildinni sé ekki alveg lokið. Hann vann Meistaradeildina með Chelsea.

Tuchel er þá á lista hjá Barcelona en það starf er laust í sumar þar sem Xavi er að hætta með liðið.