Bjarki Már Árnason, þjálfari Tindastóls.
,,Þetta er eins súrt og það gerist held ég, en ég er mjög ánægður með lið mitt í dag, fannst við virkilega flottir og í raun betra liðið. Mér fannst við klárlega eiga eitthvað skilið úr þessum leik." sagði Bjarki Már Árnason, þjálfari Tindastóls eftir 3-2 tap sinna manna gegn KV í dag en KV skoraði sigurmark sitt á 94. mínútu.
Bjarki var aðspurður um hvort að stígandi væri í leik sinna manna.
,,Já, já. Við erum með gott lið og ég hef sagt þetta frá upphafi en þetta er svolítið ekki að falla með okkur, það er oft þannig. En ég hef trú á þessu og ég veit að strákarnir eru ákveðnir í að halda áfram og við komum til með að bæta okkur smátt og smátt."
Þá var hann spurður um sjálfstraustvandamál innan hópsins.
,,Eðlilega, allir sem hafa spilað fótbolta vita það að ef maður tapar mörgum leikjum í röð þá getur það verið dálítið erfitt upp á sjálfstraustið. En þetta eru hörkustrákar sem við erum með og við eigum eftir að berja okkur saman. Við eigum mikið af heimaleikjum eftir þannig að við eigum eftir að næla okkur í stig þar, pottþétt."
Viðtalið má sjá í heild sinni hér að ofan.
Athugasemdir
