Fulham er að nálgast samkomulag við Arsenal um að fá Bernd Leno í sínar raðir. Fulham er í markvarðarleit og er Leno sá sem félagið hefur verið orðað oftast við í sumar.
Leno varð varamarkvörður Arsenal í fyrra við komu Aaron Ramsdale til félagsins. Hann kom til félagsins árið 2018 frá Leverkusen og skrifaði undir samning sem gildir fram á næsta sumar.
Samkvæmt heimildum Sky í Þýskalandi er Leno búinn að ná munnlegu samkomulagi við Fulham um hans hlið en félögin eiga eftir að semja sín á milli.
Leno er þrítugur Þjóðverji og var aðalmarkvörður Arsenal fyrstu þrjú tímabilin hjá félaginu.
Fulham vann Championship deildina í vetur og spilar því í úrvalsdeildinni í vetur.
Athugasemdir