Fótbolti.net

Erfitt að finna betri stað til að búa á en skoðar sína möguleika

Glódís afhjúpar hver stal senunni í nýliðavígslunni

Steini: Hennar að sýna að hún sé klár í að leysa þetta

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

Draumurinn frá fimm ára aldri

„Alltaf mikill heiður að sjá nafnið mitt á þessu skjali"

Steig inn þegar markvörðurinn fór til Liverpool - „Lífið er geðveikt"

Karólína nýtur sín í æðislegri borg - „Smá Ítalí í mér"

18 ára að festa sig í sessi - „Þarf að drífa mig upp á herbergi að plana atriði"

Orðsporið farið stækkandi í Svíþjóð - „Þetta er annað heimili mitt"

Átti að vera árið hans Sölva - „Víkingur væri að berjast í efri hlutanum í Superligunni"

Ætlar að berjast við Árna um stöðuna - „Þurfti aðeins að klípa mig“

Venni: Fótboltinn breytist ekkert þó ég kaupi einhverja menn eða við spilum með ákveðnum hætti

Ray: Ég held að það sé bara bjart framundan hjá okkur

Kári Kristjáns: Mér líður bara ógeðslega vel hérna

Sjáðu rauða spjaldið á Brynjar Björn - „Síðasti séns að sjá þetta trix"

Sterkastur í 9. umferð - „Þetta var upp á líf og dauða fyrir okkur“

Maggi er ósáttur með mark Fylkis: Boltinn var aldrei inni

Heimir: Þurfum að setjast niður og læra af þessu

sun 26. september 2021 11:20

Sverrir Örn Einarsson

Nikolaj Hansen: Þetta er bara fullkomið.

Nikolaj Hansen

Mynd: Fótbolti.net - Hafliði Breiðfjörð

Nikolaj Hansen framherji Víkinga endaði sem markakóngur Pespsi Max deildar karla í knattpyrnu með 16 mörk þetta tímabilið. Frábær persónulegur árangur hans var þó ekki það eina enda fögnuðu Víkingar Íslandsmeistaratitlinum með 2-0 sigri á Leikni í gær þar sem Niko eins og hann er kallaður skoraði fyrsta mark leiksins. Niko var svo í gærkvöldi útnefndur leikmaður ársins í Pepsi Max stúkunni á Stöð 2 sport af leikmönnum og þjálfurum Pepsi Max deildarinnar. Fótbolti.net ræddi við Niko í Víkinni í gær.

Lestu um leikinn: Víkingur R. 2 - 0 Leiknir R.

„Tilfinningin er best það er ekkert betra en að vinna. Og að enda þetta svona með Kára og Sölva að hætta þetta er bara fullkomið. En þetta snýst ekkert um að vera markahæstur þetta er liðsframmistaða yfir allt árið.“

Niko sem hefur leikið í Íslandi síðan árið 2016 hafði skorað alls 15 deildarmörk fyrir Val og Víking þegar kom að tímabilinu í ár. Hann endaði eins og áður segir með 16 mörk en hvað breyttist hjá honum fyrir þetta tímabil?

„Það var mikið. Persónuleg mál sem ég þurfti að eiga við fyrir einhverjum árum og líka hvernig við spilum bara og Arnar hefur gefið mér mikið traust. Helgi átti virkilega gott undirbúningstímabil en samt byrjaði hann með mig og liðið hefur bara spilað mjög vel. Við sköpum mikið af færum og fáum ekki of mörg mörk á okkur og höfðum gríðarlega trú á okkur.“

Leikurinn í gær var sá stærsti sem flestir leikmenn Víkinga hafa nokkurn tíma spilað og því lá beint við að spyrja hvernig taugarnar hefðu verið fyrir leik.

„Fyrsta sinn sem ég verð stressaður fyrir leik í mörg ár. Ég hef aldrei áður fundið þessa tilfinningu, óþæginda tilfinningu í líkamanum fyrir leik en í dag var það í hreinskilni bara mjög slæmt.“

Næst á dagskrá er undanúrslitaleikur í Mjólkurbikarnum og freista þess að verja titilinn þar sem Víkingar unnu 2019. Þar vill Niko væntanlega verja bikarinn

„Já 100% en við verðum að leyfa okkur að njóta dagsins í dag. Fögnum í dag og á morgun og svo fókusum við á bikarinn. Það eru ekki allir sem geta tekið þetta tvöfalt.“

Sagði Niko en allt viðtalið hann má sjá hér að ofan.