Bjarni Jó: Við berjumst fyrir því að fá Jón Daða

"Við fengum á okkur 2 mörk og áttum bara í vök að verjast þangað til í lokin. Þá fengum við tvö til þrjú dauðafæri til að klára þetta. Auðvitað er súrt að sætta sig við stigið en við töpuðum ekki."

Aron Fannar Birgisson átti góðan leik í dag og skoraði tvö mörk. "Hann skoraði tvö mörk í dag og átti stangarskot. Það var meira líf í sóknarleiknum okkar og við vorum mættir oftar í teiginn. Við vorum meira direct en auðvitað var djöfullegt að nýta ekki þessi færi í lokin."

Knattspyrnumaðurinn Jón Daði Böðvarsson hefur tilkynnt að hann sé að flytja aftur til Íslands eftir langan feril í atvinnumennsku. Hann er frá Selfossi og því var Bjarni spurður hvort það væri í myndinni að fá Jón Daða til félagsins. "Við erum í þannig stöðu núna að við berjumst fyrir tilverurétt okkar í deildinni og því að spila betri fótbolta og við berjumst fyrir því að hann komi hingað. Það er aldrei að vita hvað gerist."

Allt viðtalið við Bjarna má sjá í spilaranum hér að ofan.