"Ég er í rauninni ekki ánægður með stigið. Eftir að við jöfnum í 2-2 vorum við með fulla stjórn og ég hefði viljað sjá okkur vinna leikinn eftir að við náðum að jafna," segir Ágúst Gylfason, þjálfari Leiknis, eftir 2-2 jafntefli gegn Leikni í kvöld en Leiknir lenti 2-0 undir í leiknum.
Lestu um leikinn: Selfoss 2 - 2 Leiknir R.
"Auðvitað sýndum við karakter að koma til baka eftir mjög slakan fyrri hálfleik. Við áttum frábærar skiptingar. Ég spurði leikmennina sem komu inn á í hálfleik hvað þeir myndu gera til að breyta leiknum og þeir svöruðu því vel. Ég er mjög sáttur við það en það var margt semég var ósáttur við líka."
Hvernig útskýrir hann þennan slaka fyrri hálfleik? "Menn voru bara í fyrsta gír og það var lítið að frétta. Lítið ógnandi og soft í návígum. Leikmennirnir sem komu inn á breyttu leiknum og það var ég mest ánægður með."
Dusan Brkovic fór meiddur af velli snemma leiks. Ágúst á von á því að hann verði eitthvað frá. "Hann tognaði aftan í læri og verður eitthvað frá. Hann er gríðarlega mikilvægur fyrir okkur."
Ágúst hefur nú verið með liðið í nokkra leiki og segir margt á réttri leið.
"Miðað við seinni hálfleik í dag vorum við að gera það sem við höfum verið að vinna að. Við þurfum að læra að við getum ekki byrjað leiki svona."
Allt viðtalið má heyra í spilaranum hér að ofan.
