Arsenal endurnýjar áhuga á Luiz - Man Utd reynir við Todibo - Tottenham vill Sudakov
banner
   mið 28. febrúar 2024 12:00
Guðmundur Aðalsteinn Ásgeirsson
Herdís Halla og Harpa með FH í sumar (Staðfest)
Herdís Halla Guðbjartsdóttir.
Herdís Halla Guðbjartsdóttir.
Mynd: Jónína Guðbjörg Guðbjartsdóttir
Herdís Halla Guðbjartsdóttir og Harpa Helgadóttir hafa gengið aftur í raðir FH frá Breiðabliki og munu spila með Fimleikafélaginu í sumar.

Herdís Halla er efnilegur markvörður sem spilaði með FH seinni hluta síðasta sumars. Hún spilaði alls þrjá leiki með liðinu í Bestu deildinni og stóð sig vel.

Hún hefur þrátt fyrir ungan aldur spilað 47 keppnisleiki í meistaraflokki en hún hefur mikið spilað með Augnabliki, venslafélagi Breiðabliks.

Herdís, sem á að baki 19 yngri landsleiki, mun fara í samkeppni við landsliðsmarkvörðinn Aldísi Guðlaugsdóttir og stígur væntanlega í markið þegar Aldís fer til Bandaríkjanna í háskóla seinni hluta sumarsins. Hún kemur aftur á láni frá Breiðabliki.

Þá hefur Harpa Helgadóttir alfarið fengið félagaskipti yfir í FH frá Breiðabliki. Hún semur við FH út tímabilið 2026.

Harpa, sem er fædd árið 2006, spilaði tólf leiki með FH í deild og bikar á síðasta tímabili. Harpa getur spilað sem bakvörður og sem kantmaður.

FH hafnaði síðasta sumar í sjötta sæti Bestu deildarinnar eftir að hafa verið spáð neðsta sæti fyrir tímabil.
Athugasemdir
banner
banner
banner