Svona leit Miðvöllurinn út 15. apríl.
Aðalstjórn FH hefur aflétt lokun á frjálsíþróttavelli félagsins og í kjölfarið hefur verið tilkynnt að leikur liðsins gegn KR mun fara fram á Miðvellinum í Kaplakrika á morgun.
Þetta er ansi athyglisvert því fyrr í dag tilkynnti KSÍ að leikurinn færi fram á Würth vellinum, heimavelli Fylkis, í Árbæ.
Þetta er ansi athyglisvert því fyrr í dag tilkynnti KSÍ að leikurinn færi fram á Würth vellinum, heimavelli Fylkis, í Árbæ.
Leikurinn hefst klukkan 14:00 og er liður í 4. umferð Bestu deildarinnar.
Af ksi.is:
Fyrr í dag var leik FH og KR í Bestu deild karla frestað til morguns þar sem aðalstjórn FH hafði tilkynnt um lokun á báðum grasvöllum FH í Kaplakrika.
Fyrir stuttu síðan barst hins vegar tilkynning frá aðalstjórn FH um að lokun hefði verið aflétt af frjálsíþróttavelli félagsins.
Í framhaldinu óskaði FH eftir því að leikurinn yrði færður á varavöll félagsins.
Mótanefnd KSÍ hefur því aftur breytt leikvelli í leiknum og fer hann fram á frjálsíþróttavellinum í Kaplakrika.
Athugasemdir
