Ómar Castaldo Einarsson markvörður Ægis er einnig í úrvalsliðinu og Nenad Zivanovic er þjálfari umferðarinnar.

Reyndar gat dómnefnd ekki valið á milli þjálfara og er Rúnar Páll Sigmundsson hjá Gróttu því einnig valinn þjálfari umferðarinnar. Liðið vann glæsilegan 3-2 útisigur gegn Þrótti þar sem hinn 16 ára gamli Mattías Kjeld skoraði sigurmarkið og er aftur í liði umferðarinnar. Andri Freyr Jónasson á flandri skoraði hin tvö mörk Gróttu.

Fylkir er á toppnum en liðið vann 3-0 sigur gegn Leikni. Guðmundur Tyrfingsson skoraði tvö mörk og var valinn maður leiksins. Öflugt fyrir Árbæinga að hann sé kominn í gang eftir meiðsli. Orri Sveinn Segatta er í vörn úrvalsliðsins.

Afturelding er á flugi og Bart Kooistra var valinn maður leiksins í 3-1 útisigri gegn Grindavík. Aron Elí Sævarsson er einnig í liði umferðarinnar en Mosfellingar hafa unnið fjóra leiki í röð og eru nú í öðru sæti.

HK, sem er í þriðja sæti, vann nauman 1-0 sigur á Völsungi. Sigurður Gunnar Jónsson var besti maður HK-inga í Kórnum.

Njarðvíkingar gerðu frábæra ferð á Ísafjörð og unnu 3-0 útisigur gegn Vestra. Bragi Karl Bjarkason skoraði tvö mörk og Freysteinn Ingi Guðnason eitt.

Fyrri úrvalslið:
5. umferð - Mattías Kjeld - Grótta
4. umferð - Svavar Örn Þórðarson - HK
3. umferð - Ibrahima Balde - Vestri
2. umferð - Kári Sigfússon - Fylkir
1. umferð - Stefán Þór Pálsson - ÍR