Eggert Sigmundsson og Srdjan Tufegdzic
Srdjan Tufegdzic, þjálfari KA, var ánægður með uppskeruna eftir ferðalag liðsins á Reyðarfjörð í dag þar sem KA-menn unnu 1-0 sigur á Leikni Fáskrúðsfirði.
Ásgeir Sigurgeirsson gerði eina mark leiksins og kom það í uppbótartíma fyrri hálfleiks en Túfa hefði viljað sjá sitt lið skora fleiri mörk.
„Ég er mjög ánægður að fá þrjú stig í dag. Við fengum fleiri færi til að klára þennan leik miklu fyrr en það tókst ekki alveg að klára færin. Ég er samt mjög ánægður með þrjú stig," sagði Túfa.
KA-menn eru með níu stig eftir fjórar umferðir og viðurkennir Túfa að hann sé ekki fullkomlega ánægður með byrjunina á mótinu.
„Já og nei. Markmiðið okkar var að taka öll stig en við höfum bara tekið níu. Nú verðum við bara að halda áfram, það eru bara fjórir leikir búnir og við hugsum núna um næsta leik," sagði Túfa.
Athugasemdir
