Eze skoraði eina markið er Arsenal lagði Crystal Palace að velli um helgina.
Tekst Oliver Glasner loksins að hafa betur gegn Arsenal?
Búið er að draga í 8-liða úrslit enska deildabikarsins sem munu fara fram um miðjan desember.
Arsenal tekur þar á móti Crystal Palace eftir að liðin unnu sína leiki fyrr í kvöld. Palace hefur komið á óvart síðustu mánuði og lagði Liverpool þægilega að velli á Anfield í kvöld, sem er þriðji sigur liðsins gegn lærisveinum Arne Slot á þremur mánuðum.
Arsenal tefldi fram varaliðinu sínu og hafði betur, 2-0, á heimavelli gegn Brighton.
Manchester City fær heimaleik gegn Brentford eftir að hafa slegið Swansea úr leik í kvöld en Brentford fór létt með Grimsby í gær. Þar er um áhugaverðan úrvalsdeildarslag að ræða.
Newcastle United spilar við Fulham í þriðja úrvalsdeildarslagnum og er Chelsea eina úrvalsdeildarfélagið sem mætir liði úr annarri deild. Chelsea heimsækir Cardiff City til Wales.
Newcastle sigraði sterkt lið Tottenham í kvöld á sama tíma og Chelsea hafði betur í sjö marka leik gegn Wolves.
Cardiff lagði Wrexham að velli í gær á meðan Fulham þurfti vítaspyrnur til að sigra Wycombe Wanderers.
8-liða úrslit:
Arsenal - Crystal Palace
Man City - Brentford
Newcastle - Fulham
Cardiff - Chelsea
Athugasemdir
