Hollenska liðið valtaði yfir Gíbraltar og það nokkuð örugglega. Liðið sundurspilaði heimamenn en þrátt fyrir það virtist De Boer ekki sáttur.

Gíbraltar er ekki með mikil gæði í sínu liði og þurfti því að beyta öðruvísi taktík gegn einu sterkasta landsliði heims, taktík sem fór í taugarnar á De Boer.

„Þetta er andstæðan við fótbolta. Allir leikmennirnir fóru í jörðina eftir smásnertingu og allir á bekknum þeirra hoppuðu úr sætunum til að kvarta. Markvörðurinn þeirra tók heila mínútu í að taka útspörk og ég var orðinn rosalega þreyttur á þessu en ég er ánægður með að þessi leikur er að baki," sagði De Boer við fjölmiðla eftir leikinn.