Erlendur þjálfari er möguleiki - Tíu aukakostir ef leitað verður út
Lars Lagerback og Arnar Þór Viðarsson.
Mynd: Fótbolti.net - Hafliði Breiðfjörð
Lars Lagerback og Arnar Þór Viðarsson.
Mynd: Fótbolti.net - Hafliði Breiðfjörð
„Fjölmiðlafólkið er aðeins að hjálpa okkur, það koma alls konar hugmyndir þaðan. Svo eru ýmsar leiðir. Við þekkjum mann og annan. Það eru til umboðsmenn og alls konar leiðir. Núna fer leitin að landsliðsþjálfara A-landsliðsþjálfara karla af stað og við ætlum að gera eins vel og við getum. Við vitum af tímapressunni en við viljum að taka góða ákvörðun," sagði Vanda.
„Það skiptir ekki máli (hvort hann sé íslenskur eða erlendur), bara að fá góðan þjálfara."
Ef KSÍ ákveður að leita á erlenda markaðinn þá eru nokkrir áhugaverðir kostir án starfs í augnablikinu. Hér fyrir neðan má sjá tíu erlenda kosti sem eru að einhverju leyti raunhæfir - sumir raunhæfari en aðrir - sem Fótbolti.net tók saman. Hér er orðið raunhæft ítrekað og því eru þjálfarar eins og Antonio Conte, Julian Nagelsmann og Mauricio Pochettino ekki á listanum.
Það má segja að þetta séu aukakostir því Age Hareide, Erik Hamren, Lars Lagerback og Sam Allardyce voru á lista í gær og þeir eru því ekki á þessum lista, en þeir eru allir mjög svo áhugaverðir kostir.
Sjá einnig:
Tíu sem gætu tekið við landsliðinu af Arnari
Vanda um brottrekstur Arnars: Trúin ekki lengur til staðar
Ian Burchnall - Efnilegur þjálfari sem fylgdi í fótspor Graham Potter með því að gera góða hluti með Östersund í Svíþjóð á sínum tíma. Stýrði síðast Forest Green Rovers í ensku C-deildinni. Fór í viðræður við KSÍ áður en Arnar var ráðinn á sínum tíma.
Mynd: Getty Images
Ole Gunnar Solskjær - Hefur verið atvinnulaus frá því hann var rekinn frá Manchester United í nóvember 2021. Stýrði þar áður Molde í Noregi. Spurning hvort Ísland myndi heilla hann nægilega mikið til að snúa aftur í þjálfun.
Mynd: EPA
Paulo Bento - Portúgali sem er með reynslu úr landsliðsumhverfi. Stýrði síðast Suður-Kóreu með mjög flottum árangri.
Mynd: Getty Images
Giovanni van Bronckhorst - Er atvinnulaus eftir að hafa verið rekinn frá Rangers. Honum tókst að koma liðinu í úrslitaleik Evrópudeildarinnar en þar áður stýrði hann Feyenoord til sigurs í hollensku úrvalsdeildinni.
Mynd: Getty Images
Slaven Bilic - Stýrði króatíska landsliðinu frá 2006 til 2012 og er núna atvinnulaus eftir að hafa síðast þjálfað Watford. Grjótharður þjálfari sem kallar ekki allt ömmu sína.
Mynd: Getty Images
Vladimir Petkovic - Svisslendingur sem fæddist í Bosníu. Gerði mjög góða hluti með Sviss frá 2014 til 2021.
Mynd: Getty Images
Jess Thorup - Þjálfaði yngri landslið Danmerkur frá 2013 til 2015 en var síðast hjá FC Kaupmannahöfn þar sem hann vann með nokkrum Íslendingum. Hefur stýrt FCK og Midtjylland til meistaratitils í Danmörku.
Mynd: Getty Images
Rikard Norling - Svíi sem hefur gert flotta hluti í félagsliðafótbolta. Hefur stýrt bæði AIK og Malmö til meistaratitils í Svíþjóð.
Mynd: Getty Images
Lars Olsen - Spilaði á sínum tíma 84 A-landsleiki fyrir Danmörku. Stýrði færeyska landsliðinu frá 2011 til 2019, en hann hefur áður lýst yfir áhuga á íslenska landsliðinu.
Mynd: Getty Images
Steven Gerrard - Mögulega óraunhæfasti kosturinn á þessum lista út frá launakröfum en hann fór fyrir stuttu í viðræður við pólska landsliðið og var langt kominn í þeim. Útilokar það greinilega ekki að stýra landsliði. Það yrði eitthvað ef Gerrard myndi mæta á Laugardalsvöll sem þjálfari íslenska landsliðsins.
Mynd: Getty Images
