Óli Hrannar, þjálfari Leiknis
„Við spiluðum bara fínan leik við erfiðar aðstæður. Það er hægt að velta fyrir sér afhverju við skoruðum ekki fleiri mörk í fyrri hálfleiknum þar sem við fengum 5-6 virkilega góð færi til að skora, lendum svo undir, þeir komast örugglega tvisvar inn í teiginn hjá okkur og skora úr því en bara karakter hjá strákunum að halda áfram að stýra leiknum og sigla þessu bara heim." sagði Ólafur Hrannar Kristjánsson, þjálfari Leiknis Reykjavík eftir 2-1 sigurinn á Dalvík/Reyni á Domusnovavellinum í Breiðholti í dag.
Lestu um leikinn: Leiknir R. 2 - 1 Dalvík/Reynir
„Mörkin breyta leikjum eins og maðurinn sagði. Það var gott að ná inn jöfnunarmarkinu áður en við förum inn í hálfleik, þá er brekkan alveg jafn jöfn því við fórum inn í þennan leik til þess að vinna hann og ég er mest ánægður með það."
Leiknir Reykjavík lék með vindinn í bakið í fyrri hálfleiknum en var svo á móti vindi í síðari hálfleik.
„Ég átti von á Dalvíkingum aðeins ofar á völlinn og myndu pressa meira á okkur maður á mann en gerðu það ekki þannig við höfðum meira pláss til að spila boltanum og strákarnir gerðu það mjög vel."
Viðtalið við Óla Hrannar í heild má sjá í sjónvarpinu hér að ofan þar sem Óli ræðir um síðustu tvær umferðir deildarinnar.
