Spá Fótbolta.net - 12. sæti: HK

Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. ?
11. ?
12. HK 12 stig

Um liðið: HK lék síðast í deild þeirra bestu sumarið 2008 eftir langa fjarveru eru þeir komnir aftur eftir að hafa endað í 2. sæti í Inkasso-deildinni í fyrra eftir að hafa verið á toppi deildarinnar fyrir síðustu umferðina.

Þjálfari - Brynjar Björn Gunnarsson: Brynjar Björn Gunnarsson tók við HK fyrir síðasta tímabil þegar Jóhannes Karl Guðjónsson hætti til að taka við ÍA. Brynjar Björn er fyrrum atvinnu- og landsliðsmaður en hann var aðstoðarþjálfari hjá Stjörnunni áður en hann tók við HK. Hann fór upp með HK á sínu fyrsta ári og spennandi verður að sjá hann sem aðalþjálfara í efstu deild.

Styrkleikar: Það er mikið af heimamönnum í hópnum og í fyrra einkenndist liðið af mikilli stemningu innan hópsins. Þeir fara pressulausir inn í sumarið og það gæti hjálpað þeim. Kórinn, heimavöllur HK gæti reynst þeim vel en þeir töpuðu aðeins einum leik á heimavelli í Inkasso-deildinni í fyrra. Mörgum liðum er illa við að spila innandyra yfir sumartímann og HK gæti grætt á því.

Veikleikar: HK-ingar koma ískaldir inn í deildina eftir að hafa ekki unnið leik í Lengjubikarnum. Eina stigið kom gegn nýliðum Aftureldingar í Inkasso-deildinni. Þeim vantar reynslu á mörgum stöðum. Töluverðar breytingar hafa orðið á liðinu og styrkingin ekki nægilega mikil til að fylla upp í þann mun sem er á milli Pepsi- og Inkasso-deildarinnar. Einhverjir tala um að orðið 'fallbyssufóður' gæti verið notað í sumar.

Lykilmenn: Arnþór Ari Atlason og Björn Berg Bryde. Arnþór Ari þarf að vera 100% fyrir HK í sumar svo ekki fari illa. Hann þarf að bera uppi sóknarleik liðsins og hjálpa liðinu að skora mörk. Björn Berg, sem kom á láni frá Stjörnunni, þarf að fylla skarð Guðmundar Júlíussonar sem er meiddur og leikur ekkert með HK í sumar. Bjössi var öflugur í vörn Grindavíkur í fyrra og það mun mæða enn meira á honum í sumar.

Gaman að fylgjast með: Emil Atlason. Sleit krossband í maí 2017 í leik með Þrótti R. Lék 13 leiki með Þrótti í Inkasso-deildinni í fyrra en gekk í raðir HK í vetur. Emil er fyrrum unglingalandsliðsmaður sem lék með KR og Val á sínum tíma. Nær hann að sýna sitt rétta andlit í sumar eftir erfið ár að undanförnu?

Spurningamerkið: Markvarðarstaðan er stórt spurningarmerki í Kórnum. Arnar Freyr Ólafsson varði mark HK síðasta sumar en hann á tvo leiki að baki í Pepsi-deildinni með Fjölni og Leikni R. fyrir fjórum og fimm árum síðan. Menn hafa alveg séð reynslumeiri leikmenn spila í markinu í efstu deild á Íslandi og hann þarf að sanna sig.

Völlurinn: HK spilar heimaleiki sína í Kórnum og HK verður fyrsta félagið til að vera með aðalvöll innandyra í efstu deild á Íslandi.

Þjálfarinn segir - Brynjar Björn Gunnarsson
„Þessi spá kemur mér svosem ekkert á óvart. Það er ekkert óeðlilegt að liðið sem kemur upp í deildina er spáð neðri hlutanum. Að vera spáð 12. sæti breytir engu fyrir okkur. Þetta er engin sérstök mótivering fyrir okkur. Þessi spá endurspeglar gengið í vetur en þegar mótið byrjar þá verðum við klárir í mótið. Við erum með okkar markmið og það er að halda sér í deildinni og rúmlega það."

Komnir:
Arnþór Ari Atlason frá Breiðabliki
Atli Arnarson frá ÍBV
Ásgeir Börkur Ásgeirsson frá Fylki
Emil Atlason frá Þrótti R.
Aron Kári Aðalsteinsson frá Breiðablik (Á láni)
Kári Pétursson frá Stjörnunni

Farnir:
Aron Elí Sævarsson í Val (Var á láni)
Sigurpáll Melberg Pálsson í Fjölni (Var á láni)
Zeiko Lewis (Var á láni)
Eiður Gauti Sæbjörnsson
Hákon Þór Sófusson
Ingiberg Ólafur Jónsson
Árni Arnarson - samningslaus

Fyrstu fimm leikir HK:
27. apríl FH - HK
4. maí HK - Breiðablik
10. maí Stjarnan - HK
15. maí HK - ÍBV
20. maí KR - HK

Sjá einnig:
Hin hliðin - Brynjar Jónasson
Niðurtalningin: HK - Leifur Andri og Hörður Árna

Leikmenn HK sumarið 2019:
Arian Ari Morina
Arnar Ólafsson
Arnþór Ari Atlason
Aron Kári Aðalsteinsson
Ásgeir Börkur Ásgeirsson
Ásgeir Marteinsson
Atli Arnarsson
Birkir Valur Jónsson
Bjarni Gunnarsson
Björn Berg Bryde
Brynjar Jónasson
Emil Atlason
Guðmundur Axel Blöndal
Guðmundur Þór Júlíusson
Hafsteinn Briem
Hörður Árnason
Hörður Máni Ásmundsson
Kári Pétursson
Leifur Andri Leifsson
Máni Austmann Hilmarsson
Ólafur Örn Eyjólfsson
Sigurður Hrannar Björnsson
Valdimar Einarsson
Valgeir Valgeirsson
Viktor Bjarki Arnarsson

Spámennirnir: Arnar Daði Arnarsson, Arnar Helgi Magnússon, Benedikt Bóas Hinriksson, Daníel Geir Mortiz, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Magnús Már Einarsson, Tómas Þór Þórðarson