Fjölnir vann Leikni 4-3 í Grafarvoginum í kvöld. Það eru ávallt miklir markaleikir þegar þessi tvö lið mætast en leikurinn í kvöld var með nákvæmlega sömu lokatölur og þegar þau mættust á sama velli í fyrra.
„Við fengum gríðarlegt högg í síðasta leik. Tap 6-0 sem okkur sveið mjög. Við vorum ákveðnir í að koma sterkir til baka og það var gríðarlega mikilvægt að ná þremur stigum í dag," sagði Ásmundur eftir þennan markaleik.
„Þetta er alveg með ólíkindum. Það eru allir leikir milli þessara liða sem enda í þessum dúr. Þessi lið eru þannig að það er allt opið. Það er garanteruð skemmtun þegar þessi lið mætast."
Í sjónvarpinu hér að ofan má sjá viðtalið við Ásmund í heild sinni en þar ræðir hann meðal annars um markmið Fjölnis og rauða spjaldið sem leikmaður hans fékk undir lok leiksins í kvöld.
