Hjörtur Hermannsson, varnarmaður íslenska U21 landsliðsins, var að vonum ánægður eftir frábæran 3-2 sigur gegn sterku liði Frakklands í undankeppni EM 2017 á Kópavogsvelli í dag.

Strákarnir okkar áttu frábæran leik og komust snemma yfir í kjölfar þess að vítaspyrna var dæmd og markvörður Frakklands fékk rautt. Þó að gestirnir hafi náð að jafna metin var íslenskur sigur alltaf líklegasta niðurstaðan og það hafðist.

Lestu um leikinn: Ísland U21 3 -  2 Frakkland U21

„Við erum bara í skýjunum en erum með báða fætur á jörðinni. Við vitum að það er spennandi leikur næst á móti Norður-Írum á Fylkisvelli. Við njótum sigursins í kvöld og síðan einblínum við á næsta leik," sagði Hjörtur við Fótbolta.net.

„Þeir eru með góða leikmenn en það erum við líka, við erum með frábært lið. Ég sagði við þig fyrir leik að ég hef ekki enn tapað á móti Frökkum og ég lofaði þér að ég ætlaði ekki að gera það í dag. Og ég sagði að ég ætlaði að gera enn betur, og það er það sem við gerðum, allir sem einn. Við gerðum þetta saman sem lið, þetta var ekki fallegt en þetta hafðist að lokum og þetta eru þrjú stigin sem telja."

Viðtalið má sjá hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit