Eyjólfur og félagar unnu flottan sigur í dag.
Eyjólfur Sverrisson, þjálfari íslenska U21 landsliðsins, var að vonum stoltur af sínum mönnum eftir frábæran 3-2 sigur gegn Frakklandi í undankeppni EM 2017 á Kópavogsvelli í dag.
Lestu um leikinn: Ísland U21 3 - 2 Frakkland U21
„Þetta var svakaleg vinnsla í liðinu og bara virkilega flottir á vellinum. Þeir gáfust aldrei upp og uppskáru bara eins og þeir sáðu," sagði Eyjólfur við Fótbolta.net.
Hann er sammála því að líkja megi þessum sigri við stórkostlega 4-1 sigri U21 landsliðsins gegn Þýskalandi árið 2010, en margir úr því tapliði Þjóðverja urðu heimsmeistarar í fyrra.
„Það má kannski segja það, þetta er á svipuðum nótum. Þetta er stórkostlegt lið Frakka og þarna sýna strákarnir hvers þeir eru megnugir. Þeir eru á réttri leið og þeir ætla sér langt og menn hafa trú á þeim núna. Við erum búnir að sigra fyrstu tvo leikina og nú er mikilvægur leikur á þriðjudaginn."
Viðtalið má sjá hér að ofan.
Athugasemdir
