Fótbolti.net

Tímabilið nánast hálfnað í neðri deildunum!

Innkastið - Mótlæti og mætir ekki í viðtöl

Útvarpsþátturinn - Besta deildin, TG9 og EM

Tveggja barna móðirin sem leikur á sínu fjórða stórmóti fyrir Ísland

Diljá og Karólína: Úr Krikanum á Evrópumótið með Íslandi

Turnar segja sögur: Ísland og Júgóslavía

Grasrótin - 9. umferð, línurnar farnar að skýrast í neðri deildum

Leiðin úr Lengjunni - Fjölnismenn sóttu langþráðan sigur

Innkastið - Stuðningsmenn KR bauluðu á Hlíðarenda

Uppbótartíminn - Núna fer hausinn á EM

Tveggja Turna Tal - Ásmundur Guðni Haraldsson

Þjálfarar sem vita nákvæmlega hvað Ástríðan snýst um!

Útvarpsþátturinn - Þjálfaraskiptin á Skaganum

Turnar Segja Sögur - Kamerún 1990

Uppbótartíminn - EM hópurinn og þrjú lið jöfn á toppnum

Innkastið - Fyrsti hausinn fokinn

Tveggja Turna Tal - Úlfur Ágúst Björnsson

Betkastið - Eru öll lið svona jöfn í neðri deildunum?

Leiðin úr Lengjunni: Áhyggjur aukast í Árbænum og ÍR tók Breiðholtsslaginn

Útvarpsþátturinn - Í návígi við Gulla Jóns og Bestu

mán 02. október 2017 23:10

Útvarpsþátturinn Fótbolti.net

Býst við ærandi hávaða

Ólafur Ingi Skúlason.

Mynd: Fótbolti.net - Hafliði Breiðfjörð

„Það verður 100% hávaði. Það er mjög gott að við spiluðum í Tyrklandi fyrir tveimur árum og það er gott að búa að þeirri reynslu. Það var ærandi hávaði í þeim leik og ég býst við svipuðu andrúmslofti núna," sagði Ólafur Ingi Skúlason, landsliðsmaðurinn reyndi, í útvarpsþættinum Fótbolti.net á X977.

„Það er klárlega að fara að vera fullur völlur og allt stjörnuvitlaust."

Næsta föstudag er gríðarlega mikilvægur landsleikur Íslands gegn Tyrklandi ytra en leikurinn verður í Eskisehir. Ísland er í harðri baráttu um að komast á HM þegar tveir leikir eru eftir af riðlakeppninni. Ólafur þekkir tyrkneska boltann út í gegn enda leikmaður með Karabukspor í landinu.

Ólafur býst ekki við því að þeir íslensku stuðningsmenn sem ferðast í leikinn munu lenda í einhverjum vandræðum við völlinn en tyrkneskir fótboltaáhugamenn eru þekktir fyrir að vera blóðheitir.

„Auðvitað eru skemmd epli allstaðar en gæslan er orðin það góð að ég efast um að það verði eitthvað vesen. Maður veit aldrei, því miður eru ekki allir í lagi. Fólk ætti að geta farið rólegt til Eskisehir. Ég hef farið þangað með fjölskyldunni í helgarfrí, þetta er bara háskólaborg sem er frjálslynd og þægileg. Ég á von á því að fólk taki vel á moti Íslendingum í Eskisehir."

Þegar rætt var við Ólaf í útvarpsþættinum á laugardaginn var hann að búa sig undir leik gegn stórliði Galatasaray

„Það gefur manni auka „kick“ að spila svona leiki. Sérstaklega þegar maður er orðinn þetta gamall og sér kannski fyrir endann á atvinnumannaferlinum. Þetta eru leikirnir sem maður man best eftir," segir Ólafur sem er 34 ára.

„Gala, Besiktas og Fenerbahce stærstu leikirnir. Lið sem eiga harða stuðningsmenn um Tyrkland. Það eru öll blöð hérna full af fótbolta, 80-90% af umfjölluninni er í kringum þessi þrjú stærstu félög. Þegar það eru stórleikir fer allur dagurinn í umfjöllun, farið yfir gamlar viðureignir og söguna. Þetta er risastórt land, 75-80 milljóna manna land og áhuginn gríðarlegur."

Hlustaðu á viðtalið í heild í spilaranum hér að ofan.