Fótbolti.net

Samantha: Vildum sýna að við eigum titilinn skilið

Guðni: Hún mun nýtast land og þjóð vel í komandi framtíð

Nik: Fagnaðar dagur fyrir þær í dag

Thelma Karen: Ég þarf að sjá hvað ég ætla að gera

Einar Guðna: Við þurfum að gera betur og lenda ofar

Jóhannes Karl: Þannig er fótbolti

Jói Bjarna: Erum að smella í gang

Haukur Andri: Höfum verið óheppnir með úrslit

Þorsteinn opnar nýjan kafla: Ágætis tímapunktur til að skipta út og gera breytingar

„Vonandi að fólk sjái að maður geti spilað gegn svona leikmönnum“

Ógeðslega erfitt að horfa frá bekknum - „Fannst ég ná að stríða og djöflast í þeim“

Sverrir Ingi um baráttuna við Mateta - „Ógnarsterkur náungi“

Daníel Tristan: Það er miklu erfiðara finnst mér

Stærsta augnablikið á ferlinum til þessa - „Það voru allir trylltir"

Hákon Arnar: Verður áhugavert hvað menn segja núna

Ísak: Höfðum getað vorkennt sjálfum okkur og haldið að þetta væri búið

Elías notaði orð sem Arnar elskar - „Verður líka að kunna það"

Daníel Leó: Þú verður ekki þreyttur þegar það er þannig

Líður vel í Stockport - „Draumur frá því að maður var lítill“

„Aftur sami Eggert Aron sem að fólk þekkir“

fös 28. desember 2018 13:30

Magnús Már Einarsson

Björn Daníel: Flott skilaboð frá Frikka Dór sannfærðu mig

Ræddi líka við Val

Björn Daníel skrifar undir í dag.

Mynd: Fótbolti.net - Magnús Már Einarsson

Björn Daníel fagnar í leik með FH árið 2013.

Mynd: Fótbolti.net - J.L.

„Ég er virkilega glaður að vera kominn heim í Krikann aftur," sagði Björn Daníel Sverrisson eftir að hann skrifaði undir fjögurra ára samning við uppeldisfélag sitt FH í dag.

Björn Daníel yfirgaf danska félagið AGF á dögunum en Íslandsmeistarar Vals vildu einnig fá hann í sínar raðir.

„Það er ekkert leyndarmál að þeir vildu fá mig líka. Ég hef sagt það tvöhundruð sinnum áður að fótboltinn er vinnan mín og ég þurfti að skoða allt sem var í boði. Ég er mjög sáttur við hvernig FH lét verkin tala."

„FH var alltaf fyrsti kostur. Að sjálfsögðu skiptu launin einhverju máli en þetta var þannig að ef þetta myndi enda í því sama þá var FH alltaf fyrsti kostur. Ég er FH-ingur, spilaði hérna í mörg ár og vildi koma aftur hingað og vinna titla. Ég vildi vera hluti af því sem er verið að byggja upp hérna."

Meðal þeirra sem sannfærðu Björn um að velja FH var tónlistarmaðurinn Friðrik Dór Jónsson.

„Ég átti góð samtöl við þá sem stjórna hérna og fékk flott skilaboð frá Frikka Dór sem sannfærðu mig," sagði Björn Daníel léttur í bragði.

„Hann sagði að nú væri kominn tími til að gera þetta að ennþá meira stórveldi og skilja eftir sig arfleið hérna. Ég tók hann á orðinu. Ég ætla að koma heim og gera eins vel og ég get."

FH endaði í 5. sæti í Pepsi-deildinni síðastliðið sumar en stefnan er sett hærra á næsta ári.

„Að sjálfsögðu var þetta vonbrigða tímabil og stefnan hjá FH er að gera töluvert betur en á síðasta tímabili," sagði Björn Daníel.

Hér að ofan má sjá viðtalið í heild sinni.