Leikurinn á morgun er á Meistaravöllum.
Annað kvöld fer fram sannkallaður stórleikur í Pepsi Max-deildinni þegar KR og Breiðablik eigast við.
Fyrir leikinn er KR á toppi deildarinnar með 23 stig, einu stigi meira en Breiðablik.
Talað er um að nú sé tveggja hesta kapphlaup á milli þessara liða um Íslandsmeistaratitilinn.
Leikurinn á morgun fer fram á Meistaravöllum í Vesturbæ og hefst klukkan 19:15. Það er greinilega búist við miklum fjölda á leikinn því KR-ingar hafa ákveðið að setja upp bretti til að koma fleirum að.
„Það er langt síðan að það var brettaleikur en það er svoleiðis á morgun," skrifa KR-ingar á Twitter.
Það er langt síðan að það var brettaleikur en það er svoleiðis á morgun #allirsemeinn pic.twitter.com/7bcRjyfxy7
— KR Reykjavik FC (@KRreykjavik) June 30, 2019
Athugasemdir
