Bjarni Jóhannsson þjálfari Stjörnunnar var ánægður með að fá Víking Ólafsvík í 8 liða úrslitum VISA-bikarsins.
Stjarnan vann BÍ/Bolungarvík á útivelli seinast og fær aftur útileik á móti liði í 2. deild.
Stjarnan vann BÍ/Bolungarvík á útivelli seinast og fær aftur útileik á móti liði í 2. deild.
,,Þetta er bara góður bikardráttur, það er fínt að fara í Ólafsvíkina. Frábær umgjörð og þarna er einn besti grasvöllur landsins, við erum kátir með þetta á þessari stundu," sagði Bjarni í samtali við Fótbolta.net.
,,Hann ætti að vera auðveldur fyrir fram, við vitum það að með það fyrirkomulag sem er á bikarnum núna þá er þetta stundum keppni í heppni. Fyrir fram eigum við að vinna þennan leik, þeir eru vel mannaðir og við erum með tvo menn þarna (Heiðar Atli Emilsson og Sindri Már Sigurþórsson)."
,,Þeir mega spila, Við tökum þá ekkert af þeim," sagði Bjarni að lokum í samtali við Fótbolta.net.
