Kristján Óli Sigurðsson nýjasti leikmaður Víkings Ólafsvíkur var á skotskónum í sigri liðsins á KV í kvöld.
Kristján skoraði fyrsta mark leiksins í 0-3 sigri og er liðið í þægilegri stöðu á toppnum.
Við biðjumst velvirðingar á því að hljóðið klikkaði eitthvað en það ætti þó að heyrast ágætlega.
,,Markmiðið var að halda hreinu og ná í þrjú stig og það tókst sem betur fer," sagði Kristján Óli í samtali við Fótbolta.net.
,,Markareikningurinn er opinn núna, það er alltaf gaman að skora en það mikilvægasta er að liðið vinni."
,,Þetta er sennilega ljótasta mark sem ég hef skorað á ferlinum en það telur alveg jafn mikið og sleggja af 40 metrunum."
Nánar er rætt við Kristján í sjónvarpinu hér að ofan.
