Þessa leikur gæti gert útslagið um það hvaða lið verður meistari. Barcelona er með tveggja stiga forystu á toppi deildarinnar, en gengi Real Madrid hefur ekki verið upp á það besta í síðustu leikjum.

Það eru nokkur meiðsli í herbúðum liðanna. Heimamenn eru án Eden Hazard, Marco Asensio og Rodrygo Goes. Þá eru Luis Suarez, Ousmane Dembele og Sergi Roberto ekki í liði gestana.

Frá tapinu gegn Manchester City í Meistaradeildinni í síðustu viku gerir Zinedine Zidane, þjálfari Real, tvær breytingar. Marcelo og Toni Kroos koma inn í byrjunarliðið.

Barcelona gerði 1-1 jafntefli gegn Napoli í Meistaradeildinni í síðustu viku. Frá þeim leik eru tvær breytingar gerðar á byrjunarliði Katalóníustórveldisins; Jordi Alba og Arthur koma inn í byrjunarliðið.

Danski sóknarmaðurinn Martin Braithwaite, sem var fenginn til Barcelona frá Leganes í síðasta mánuði á undanþágu út af meiðslum, byrjar áfram á bekknum hjá Barcelona. Hjá Real Madrid byrja Gareth Bale og Luka Modric á bekknum.

Hér að neðan má sjá byrjunarlið beggja liða og stigatöfluna á Spáni.

Byrjunarlið Real Madrid: Courtois, Carvajal, Ramos, Varane, Marcelo, Valverde, Casemiro, Kroos, Isco, Benzema, Vinicius.
(Varamenn: Areola, Mendy, Vazquez, Militao, Diaz, Bale, Modric)

Byrjunarlið Barcelona: Ter Stegen, Semedo, Pique, Umtiti, Alba, Busquets, Arthur, De Jong, Vidal, Griezmann, Messi.
(Varamenn: Neto, Collado, Braithwaite, Lenglet, Fati, Firpo, Rakitic)