Sterling lánaður frá Chelsea til Stoke (Staðfest)
Ekki Raheem heldur Dujon.
Mynd: Getty Images
Ekki Raheem heldur Dujon.
Mynd: Getty Images
Stoke City er búið að staðfesta komu Dujon Sterling á eins árs lánssamningi frá Chelsea.
Sterling er 22 ára hægri bakvörður, sem verður 23 ára í október, með aðeins eitt ár eftir af samningi sínum við Chelsea en félagið getur framlengt um eitt auka ár.
Sterling spilaði 25 leiki á láni hjá Blackpool á síðustu leiktið og aðeins 8 á láni hjá Wigan tímabilið þar áður.
Hann þótti gífurlega mikið efni fyrir nokkrum árum og var lykilmaður í U19 landsliði Englands ásamt því að vinna hin ýmsu stórmót með sterku akademíuliði Chelsea.
Hann var fastamaður í liði Coventry í C-deildinni 2018-19 en hefur síðan þá ekki tekist að láta ljós sitt skína.
