Brondby tapaði nokkuð óvænt í dönsku úrvalsdeildinni í dag er liðið mætti Randers FC á útivelli í 28. umferð.
Brondby er að berjast um toppsætið við Midtjylland og gat komið sér á toppinn með sigri.
Ólafur Kristjánsson er þjálfari Randers og sá hann sína menn vinna frábæran 4-2 sigur. Liðið er í sjötta sæti deildarinnar.
Hjörtur Hermannsson byrjaði í vörninni hjá Brondby og skoraði hann einmitt fyrsta mark leiksins fyrir gestina.
Randers bætti við þremur mörkum í kjölfarið áður en Brondby mistókst að skora úr víti.
Simon Hedlund lagaði svo stöðuna í 3-2 fyrir Brondby áður en heimaliðið bætti við fjórða markinu í 4-2 sigri.
Athugasemdir