Erik Hamren, landsliðsþjálfari Íslands, er í skýjunum með að áhorfendur verði leyfðir í leiknum gegn Rúmeníu í umspili um sæti á EM.
Liðin mætast á Laugardalsvelli á fimmtudag og eins og staðan er núna er reiknað með leyfi fyrir 1500 áhorfendum. KSÍ stefnir á að opna miðasölu eftir helgi.
Liðin mætast á Laugardalsvelli á fimmtudag og eins og staðan er núna er reiknað með leyfi fyrir 1500 áhorfendum. KSÍ stefnir á að opna miðasölu eftir helgi.
„Ég var ánægður þegar ég heyrði þetta. Ég veit að Tólfan og stuðningsmennirnir okkar munu gefa okkur orkuna sem við þurfum í þessum leik," sagði Eirk.
„Þegar það var dregið í umspilið sagði ég að þetta væri 50/50 en með fullan leikvang væri þetta 55/45 fyrir heimaliðinu út af stuðningsmönnum. Án stuðningsmanna eru kostir þess að vera á heimavelli mun minni."
„Ég býst við að allir stuðningsmenn sem komi hingað sýni liðinu stuðning og sýni hversu mikið Ísland vill fara á EM. Þeir geta verið auka hvatning og í svona leik eru það lítil atriði sem vinna leikinn. Þeir geta virkilega hjálpað okkur. Ég vil sjá stuðningsmennina hér."
Athugasemdir