Arsenal komst yfir í leiknum en Úlfarnir jöfnuðu á 76. mínútu, aðeins nokkrum mínútum eftir að Lucas Torreira var skipt út fyrir kantmanninn Bukayo Saka.

Emery var sáttur með leik sinna manna en svekktur með úrslitin. Stuðningsmenn Arsenal eru komnir með nóg og vill hluti þeirra sjá Spánverjann fjúka.

„Við stjórnuðum leiknum eins og við höfðum skipulagt, taktískt séð gerðum við mjög vel. Við gáfum ekki mörg færi á okkur en þeir jöfnuðu og eftir það byrjuðum við að komast meira inn í teiginn þeirra en náðum ekki að skora annað," sagði Emery.

„Þetta eru slæm úrslit en ég er ánægður með framlag leikmanna og hvernig við settum leikinn upp."