María Þórisdóttir í leik með norska landsliðinu
Hin norska-íslenska María Þórisdóttir er í landsliðshópi Noregs sem mætir Íslandi og Frakklandi í Þjóðadeild Evrópu.
María er 31 árs gömul og spilar stöðu varnarmanns en hún er á mála hjá enska WSL-deildarfélaginu Brighton.
Hún hefur verið að gera ágætis hluti með Brighton á tímabilinu og var valin í norska landsliðshópinn fyrir komandi verkefni, sem ætti svo sem ekki að koma á óvart, en hún á 71 A-landsleik að baki og farið með Norðmönnum á fjögur stórmót.
Faðir Maríu er Þórir Hergeirsson, titlahæsti þjálfari í sögu norska handboltans. Hún er hins vegar uppalin í Noregi og valdi það að spila fyrir norska landsliðið í stað þess íslenska.
Fyrsti A-landsleikur Maríu var einmitt í 1-0 sigri á Íslandi árið 2015 og gæti nú spilað aftur gegn Íslandi í Þjóðadeildinni.
Ísland og Noregur mætast á Þróttarvelli klukkan 16:45 á morgun og síðan mætir Noregur landsliði Frakklands á þriðjudag.
Troppen til Nations League-kampene mot Island og Frankrike ???????? pic.twitter.com/hBMZOvlUHa
— Fotballandslaget (@nff_landslag) March 27, 2025
Athugasemdir
