KR hefur skorað flestu mörkin í deildinni, nítján mörk, eða fimm mörkum meira en Valur. KR er svo með þriðju flestu mörkin fengin á sig, ellefu mörk, eða fjórum mörkum færra en ÍA og KA.

Út frá xG og xGA í hverjum leik eru svo reiknað 'vænt stig' eða 'Expected points'. Það getur oft verið gott að sjá hvernig spilamennska liða er yfir ákveðin tíma að horfa í vænt stig. Miðað við þá tölfræði ætti Valur að vera í efsta sæti en Vestri, sem er í öðru sæti, ætti að vera í neðsta sæti! Vestri hefur nýtt sín færi mjög vel og sömuleiðis átt að hafa fengið á sig mun fleiri mörk. Vestri hefur einungis fengið á sig tvö mörk en xGA á Vestra eru tæp ellefu mörk samanlagt í leikjunum sex.

FH aftur á móti ætti að vera ofar í deildinni ef horft er í þessa tölfræði. FH hefði átt að vera með einu marki meira skorað á tímabilinu og að hafa fengið á sig tveimur mörkum færra. KR hefur skorað fjórum mörkum meira en xG segir til en Afturelding ætti að hafa skorað tíu mörk, en hefur einungis skorað fjögur. Afturelding hefur á sama tíma einungis fengið á sig sjö mörk en hefði, miðað við tölfræðina, átt að hafa fengið á sig ellefu mörk. ÍA og KA hafa þá fengið á sig of mörg mörk miðað við xG útreikninga.

Þetta er allt að sjálfsögðu til gamans gert, það sem skiptir máli er að skora fleiri mörk en andstæðingurinn, en FH sem dæmi getur horft í frammistöðu sína og hugsað að liðið ætti að vera með fleiri stig. Vestramenn geta á sama tíma verið afskaplega ánægðir með skilvirkni sína.

Hér að neðan má einnig sjá hversu mikið liðin eru með boltann að meðaltali í leik. KR heldur mest í boltann og ÍA minnst miðað við samantekt Wyscout.