Alexander Aron: Hægt að fara með þennan leik upp í KSÍ og kenna hvernig á að spila fótbolta
Alexander Aron einn af þjálfurum Kára var stolltur af frammistöðu Kára í kvöld
Mynd: Fótbolti.net - Hafliði Breiðfjörð
Alexander Aron einn af þjálfurum Kára var stolltur af frammistöðu Kára í kvöld
Mynd: Fótbolti.net - Hafliði Breiðfjörð
Kári og Stjarnan mættust á Akranesi í 16-liða úrslitum Mjólkubikar karla og hafði Stjarnan betur eftir vítaspyrnukeppni en leikið var til þrautar í Akraneshöllinni í kvöld og áhorfendur fengu svo sannarlega mikið fyrir peninginn.
Kára menn eiga hrós skilið fyrir hetjulega baráttu í 120 mínútur í kvöld en Káramenn náðu tvisvar að koma til baka. Fótbolti.net ræddi við Alexander Aron Davorsson sem er einn af þremur þjálfurum Kára.
„Skrítin tilfinning maður er stoltur en samt á sama skapi svolítið súr, en frábær frammistaða og ég hef ekki séð svona góða frammistöðu neðrideildar liði á móti efstudeildar liði held ég bara á Íslandi."
„Ég held bara að lið verður að liði og margir einstaklingar leggja sig saman að ná einhverju markmiði að þá geturu gert allt og það er bara þannig. Það sem gerist hérna í Kára, strákar með núll krónur, bara passion og líka bara hvernig þeir spiluðu leikinn, Frammistaðan var bara fáránlega góð og ég er bara hrikalega stoltur af leikmönnunum og umgjörðinni, bæjarfélaginu og allir sem komu að leiknum bara frábært."
„Við lendum tvisvar undir í þessum leik og hættum aldrei, það eru fimmtán mínútur eftir í framlengingunni og við höldum áfram og það er fáránlegt hvað það var mikil orka í þessum mönnum. Þetta er bara mikið hrós til þeirra og það væri hægt að fara með þennan leik upp í KSÍ og kenna hvernig á að spila fótbolta."
