Spænska félagið Real Madrid hefur sent varnarmanninum unga og efnilega Dean Huijsen samningstilboð en þetta segir ítalski íþróttafréttamaðurinn Fabrizio Romano í dag.
Þessi tvítugi miðvörður er að öllum líkindum á leið til Real Madrid en því er haldið fram að spænska félagið leiði kapphlaupið.
Huijsen er með 50 milljóna punda kaupákvæði í samningi sínum og er Real Madrid nú að ræða við Bournemouth um næstu skref.
Romano segir að Huijsen og föruneyti hans hafi fengið samningstilboð frá Real Madrid í dag og er Real Madrid sagt vera fyrsti kostur spænska landsliðsmannsins.
Arsenal, Chelsea og Liverpool halda áfram að fylgjast með stöðunni og eru reiðubúin að koma inn í baráttuna ef Huijsen nær ekki samkomulagi við Real Madrid.
Varnarmaðurinn hefur verið með bestu varnarmönnum ensku úrvalsdeildarinnar á þessari leiktíð. Hann kom til Bournemouth frá Juventus á síðasta ári, en hann hefur einnig leikið með Roma og unglingaliði Malaga.
Athugasemdir
