Lengjubikar kvenna: Þægilegt fyrir FHL gegn Fram

Sameinað lið Fjarðabyggðar, Hattar og Leiknis á Fáskrúðsfirði rúllaði yfir Fram í Lengjubikar kvenna í dag.

Ársól Eva Birgisdóttir skoraði tvennu í fyrri hálfleik áður en Björg Gunnlaugsdóttir og Íris Vala Ragnarsdóttir gerðu út um viðureignina í þeim síðari.

Ólína Sif Hilmarsdóttir minnkaði muninn fyrir Fram undir lokin en lokatölur urðu 4-1.

Liðin munu mætast í Lengjudeildinni í sumar eftir að FHL endaði um miðja deild í fyrra og Fram vann 2. deildina.

Liðin mættust í eina leik dagsins í B-deild Lengjubikars kvenna. Þar er FHL með þrjú stig eftir tvær umferðir á meðan Fram er án stiga og með markatöluna 1-10.