Rúnar Kristinsson hugar að Davíð Atlasyni eftir meiðsli í kvöld.
Rúnar Kristinsson, þjálfari KR, var ekki sáttur með spilamennsku sinna manna í 2-0 sigri gegn Víkingi í Pepsi Max-deildinni.
Lestu um leikinn: KR 2 - 0 Víkingur R.
„Við unnum góðan sigur eftir að hafa verið undir lengi vel í fyrri hálfleik, jafnvel þótt að við vorum manni fleiri þá gekk okkur bölvanlega að skapa eitthvað og búa til. Ég var ekki alveg sáttur með spilamennskuna," sagði Rúnar.
„Við spiluðum mjög vel upp á Skaga og unnum sannfærandi sigur þar. Við komum hingað og spilum gegn liði sem er spáð Íslandsmeistaratitli af mörgum, frábært lið og spilar góðan fótbolta. Þetta er öðruvísi leikur, lokaður leikur. Stundum er skákin misjöfn. Við lentum í vandræðum því Víkingar pressuðu vel á okkur og lokuðu á okkar uppspil. Við náðum engu floti í okkar leik og vorum slakir heilt yfir."
Víkingar misstu þrjá menn af velli með rautt spjald og segir Rúnar: „Við fyrstu sýn fannst mér þetta vera rautt, öll þrjú. En það verða einhverjir aðrir að dæma um það."
„Skelfileg tækling frá Halldóri í restina með tvær fætur á lofti og hann fer í gegnum manninn. Við erum heppnir ef Kennie verður ekki lengi frá."
Viðtalið er í heild sinni hér að ofan.
