Robinho er bak við lás og slá.
Robinho, fyrrum leikmaður AC Milan og brasilíska landsliðsins, afplánar níu ára fangelsisdóm fyrir nauðgun. Þessi 41 árs fyrrum fótboltastjarna hefur tekið að sér að þjálfa fótboltalið fangelsisins.
Blaðamaðurinn Ulisses Campbell segir að föngunum sé skipt í lið eftir afbrotum þeirra, til dæmis keppi morðingjar gegn nauðgurum.
Blaðamaðurinn Ulisses Campbell segir að föngunum sé skipt í lið eftir afbrotum þeirra, til dæmis keppi morðingjar gegn nauðgurum.
Að Robinho sé bak við lás og slá í fangelsinu hefur aukið gestafjölda. Vinir og fjölskyldumeðlimir annarra fanga eru farnir að heimsækja fangelsið í auknum mæli til að sjá Robinho og jafnvel fá eiginhandaráritun.
Robinho var dæmdur í níu ára fangelsi árið 2017 fyrir nauðgun sem átti sér stað í Mílanó árið 2013. Hann hóf ekki afplánun dómsins fyrr en á síðasta ári þegar brasilíska lögreglan réðst í aðgerðir við heimili hans í Santos og hann var fluttur í fangelsi.
Robinho lék 100 landsleiki fyrir Brasilíu á árunum 2003-2017. Hann vann titla með Santos, Real Madrid og AC Milan auk þess að spila fyrir Manchester City og fleiri félög.
Athugasemdir
