Robinho.
Dómstóll í Brasilíu hefur komist að þeirri niðurstöðu að Robinho þurfi að sitja af sér níu ára fangelsi fyrir nauðgun í fangelsi í heimalandi sínu.
Robinho var dæmdur í níu ára fangelsi árið 2017 fyrir nauðgun en atburðurinn átti sér stað í Mílanó árið 2013.
Robinho, sem heitir fullu nafni Robson de Souza, býr í Brasilíu og hefur alltaf neitað sök. Brasilía framselur ekki ríkisborgara sína og því hefur Robinho ekki þurft að dúsa í fangelsi til þessa.
En núna hefur dómstóll í Brasilíu ákveðið að Robinho, sem er fertugur að aldri, þurfi að afplána fangelsisdóminn í heimalandinu.
Robinho og fimm aðrir Brasilíumenn voru dæmdir fyrir hópnauðgun. Sakfellingin var staðfest af áfrýjunardómstóli árið 2020.
Athugasemdir
