AC Milan er búið að tryggja sér portúgalska bakvörðinn Diogo Dalot á lánssamningi frá Manchester United.
Dalot fær treyju númer 5 og mun berjast við Davide Calabria og Andrea Conti um hægri bakvarðarstöðuna.
Dalot er 21 árs gamall og kostaði 19 milljónir punda í júní 2018. Hann hefur spilað 35 leiki á rúmlega tveimur árum í Manchester og þarf meiri spiltíma til að þróa leik sinn.
Milan hefur verið að styrkja hópinn sinn fyrir komandi átök enda er liðið í Evrópudeildinni í ár. Félagið er meðal annars búið að krækja í Sandro Tonali, Brahim Diaz, Ante Rebic og Jens Petter Hauge.
Samningur Dalot við Man Utd rennur út eftir þrjú ár.
Athugasemdir