England: West Ham kom tvisvar sinnum til baka og vann Chelsea

Chelsea byrjaði betur og var með fín tök á leiknum í byrjun leiks. Thiago Silva heldur áfram að spila frábærlega fyrir Chelsea en hann skoraði fyrsta mark leiksins þegar hann stangaði inn hornspyrnu frá Mason Mount í netið.

West Ham jafnaði leikinn fyrir hálfleikinn. Manuel Lanzini skoraði þá úr vítaspyrnu sem liðið fékk eftir klaufagang hjá Chelsea. Edouard Mendy braut á Jarrod Bowen og vítaspyrnar réttilega dæmd. Lanzini stjakaði aðeins við Reece James í fagnaðarlátunum en James reyndi að taka hann af taugum fyrir vítið.

Það var hins vegar aðeins fjórum mínútum síðar sem Chelsea jafnaði. Mason Mount skoraði þá flott mark eftir sendingu frá Hakim Ziyech. Mount tók knöttinn í fyrsta á lofti og skoraði í nærhornið. Staðan 1-2 í hálfleik.

Á 56. mínútu jafnaði Jarrod Bowen metin með frábæru marki. Hann þrumaði þá knettinum í fjærhornið fyrir utan teig, óverjandi fyrir Mendy í markinu. Eftir þetta skiptust liðin á að sækja og áttu þau bæði sín færi til að komast í forystu.

Það var á 87. mínútu sem ótrúlegir hlutir gerðust. Arthur Masuaku, sem kom inn á sem varamaður, átti þá fyrirgjöf sem fór af Ruben Loftus-Cheek og í nærhornið. Ótrúlegt mark og allt sturlaðist úr fagnaðarlátum hjá stuðningsmönnum West Ham.

3-2 urðu lokaúrslit í þessum magnaða leik. Chelsea er efsta sæti deildarinnar en getur nú misst það í hendur Liverpool eða Manchester City en þau spila síðar í dag.

West Ham er í fjórða sæti deildarinnar með fjórum stigum meira heldur en Arsenal.