Liverpool tapaði 1-0 á heimavelli gegn Chelsea í gær. Liðið hefur núna tapað fimm deildarleikjum í röð á heimavelli og slíkt hefur aldrei áður gerst í sögu félagsins.

„Þetta er sjálfstraust vandamál sem er komið djúpt inn að beini hjá liðinu og er miklu meira en maður gat ímyndað sér."

Orri Freyr Rúnarsson sagði: „Þetta er sambland af mörgu. Þetta eru meiðsli. Þetta er skortur á sjálfstrausti, þreyta og einhver pirringur. Um leið og hann fer að færa miðjumenn niður í vörnina þá dettur allt jafnvægi úr liðinu."

Liverpool er núna í 7. sæti í ensku úrvalsdeildinni, fjórum stigum frá sæti í Meistaradeildinni.

„Mér finnst óraunverulegt að spá Liverpool ekki í topp fjóra þrátt fyrir allt. Þetta hlýtur að fara að smella hjá þeim, maður trúir ekki öðru. Ég spái þeim ennþá í topp fjóra. Þetta eru það mikil gæði í liðinu að ég held að þetta hljóti að fara að smella saman," sagði Jóhann Már.

Hér að neðan má hlusta á þátt dagsins en þar var nánar rætt um vandræði Liverpool. Það eru Frumherji, White Fox, Viking gylltur (léttöl) og Domino's sem bjóða upp á þáttinn.