Fótbolti.net

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

Steini Halldórs: Samkvæmt reglum á að stoppa leikinn

Jói Bjarna: Auðvitað finnst mér þetta erfitt og skrítið

Glódís Perla: Ef við viljum vera áfram í hæsta gæðaflokki þá verðum við að setja fjármagn í þetta

Guðrún: Komið alveg hálft ár síðan við hittumst síðast

Steini landsliðsþjálfari: Trú og hugrekki gegn heimsmeisturunum

Hlín Eiríks: Við leikmenn hefðum viljað hafa verkefni í síðasta glugga

Birta Georgs: Fannst ég ekki geta hafnað því

Elín Helena: Ein heima að gera mig til fyrir fimmtugsafmæli

Sveindís Jane: Erum ekki að fara vinna þær í því og það er í lagi

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

fös 05. apríl 2024 13:30

Sæbjörn Þór Þórbergsson Steinke

Höskuldur: Þvílíkur hvalreki fyrir okkur

'Hann er mjög dýrmætur fyrir okkur'

Mynd: Jónína Guðbjörg Guðbjartsdóttir/Stein Jøran Sanden

Það þarf helvíti mikið til þess að slá við Breiðabliki á þeim stað sem það er á dag

Mynd: Jónína Guðbjörg Guðbjartsdóttir

„Það er mikil tilhlökkun," sagði Höskuldur Gunnlaugsson, leikmaður Breiðabliks, við Fótbolta.net fyrr í þessari viku. Breiðablik hefur leik í Bestu deildinni á mánudag þegar FH kemur í heimsókn á Kópavogsvöll.

Breiðablik fór aðra leið á undirbúningstímabilinu í vetur, mótið þeirra í fyrra kláraðist seint og hófust æfingar seint í janúar. Á síðasta tímabili endaði Breiðablik í 4. sæti í deildinni eftir að hafa unnið deildina tímabilið á undan.

„Við vitum alveg að okkar geta er þannig að við eigum auðvitað að vera keppast í þessu fram á lokadag og berjast um þann stóra. Tímabilið í fyrra var svolítið frábrugðið því sem maður er vanur sökum góðs árangurs í Evrópu. Það skilaði sér í dýrmætri reynslu sem við getum nýtt okkur. Við ætlum, fyrst og fremst fyrir okkur sjálfa, að sýna hvað í okkur býr."

Var mikilvægt að vinna Lengjubikarinn?

„Oft þegar það gengur illa á undirbúningstímabili þá er gert lítið úr því, svo öfugt þegar það gengur vel. Almennt viltu taka það skrið sem þú ert á með þér inn í mótið, mér finnst liðið vera á góðum stað, góð stemning og leikurinn á móti ÍA sýndi að við erum helvíti beittir."

Þarf helvíti mikið til þess að slá við Breiðabliki
Fjórir leikmenn úr liði Breiðabliks á síðasta tímabili sömdu í vetur við félög erlendis. Tveir þeirra, Gísli Eyjólfsson og Anton Logi Lúðvíksson, sömdu við lið í efstu deildum Skandinavíu. Var Höskuldur að íhuga þann möguleika líka?

„Ég hef alltaf sagt undanfarin tímabil að ég tel mig alveg geta, og að einhverju leyti eiga, að spila á hærra 'niveau-i' úti og hef verið opinn fyrir því. Sömuleiðis hef ég alltaf sagt það að það yrði að vera eitthvað sem væri rökrétt. Það þarf helvíti mikið til þess að slá við Breiðabliki á þeim stað sem það er á dag. Hjá Breiðabliki hefur maður spilað þónokkra landsleiki og tekið þátt í riðlakeppni í Evrópu. Ráin hefur verið hækkuð."

Hvernig er að fá Aron Bjarnason í hópinn?

„Það er þvílíkur hvalreki, sem maður alveg vissi. Hann er klárlega einn besti sóknarmaðurinn í þessari deild. Þess fyrir utan vissi maður að við værum að fá frábæran gæja í klefann. Hann er líka með gott fordæmi þegar kemur að vinnuframlagi, það verða dominoáhrif af því til annarra leikmanna - hann ýtir við manni. Hann er mjög dýrmætur fyrir okkur," sagði Höskuldur.

Hann ræðir í viðtalinu sóknarmenn Breiðabliks og er sérstaklega spurður út í Benjamin Stokke.