Emil Hallfreðsson var magnaður í kvöld
Emil Hallfreðsson, landsliðsmaður Íslands, var ánægður með 2-0 sigurinn á Úkraínu í kvöld en hann var með betri mönnum leiksins.
Lestu um leikinn: Ísland 2 - 0 Úkraína
Emil fékk gult spjald strax á 2. mínútu og var þá í hættu á að fá annað gula en það hafði lítil áhrif á hann. Leikur hans var óaðfinnanlegur í þeim síðari og var hann útnefndur einn af bestu mönnum leiksins.
„Virkilega mikilvægt. Þetta var duga eða drepast í kvöld eftir síðasta leik og ef við ætlum að vera áfram almenninlega inn í þessum riðli," sagði Emil.
„Ég held ég hafi brotið nokkrum sinnum á mér eftir það, það er ekki eins og maður fái gult spjald í hvert einasta skipti sem maður brýtur af sér. Auðvitað óþægilegt að vera með gult spjald eftir fyrstu mínútu en ég held að maður sé með smá reynslu þannig mér leið aldrei eins og ég væri tæpur."
Íslenska liðið byrjaði að pressa hærra í síðari hálfleik og það skilaði strax marki. Í kjölfarið varð sjálfstraustið meira og Ísland lokaði dæminu.
„Halda áfram og gefa meira í. Við vissum að þeir væru búnir að eyða smá orku í fyrri hálfleik og við ætluðum að halda skipulagi og sækja þegar færi myndi gefast, þá vissum við að við myndum opna svæði fyrir okkur."
„Það setur góðan tón og stuðningurinn og allt með. Þetta gefur okkur sjálfstraust aukalega, þannig það var mjög gott," sagði Emil ennfremur.
Fyrra markið var svolítið umdeilt en Jóhann Berg Guðmundsson virtist brjóta á markverði Úkraínu.
„Kem ég ekki með crossinn og Jói touchar hann og Gylfi tekur reboundið á mark. Ég held að það sé kjaftæði að hann hafi brotið á honum. Voru þeir ekki bara að biðja um það?"
„Tyrkjaleikurinn í næst og verður gríðarlega erfiður leikur. Þessi leikur í kvöld fer út í sandinn ef við verðum ekki í standi eftir mánuð," sagði hann í lokin.
Athugasemdir
